ஓய்வுக்கான அவசியம் எனக்கு தற்போது ஏற்படவில்லை: போப் பிரான்சிஸ்
![](https://newsadmin.websiteforallbusiness.com/uploads/pop.webp)
ஓய்வுகான அவசியம் தனக்கு தற்போது ஏற்படவில்லை என போப் பிரான்சிஸ் தெரிவித்துள்ளார்.
இந்த வார ஆரம்பத்தில், கனடாவுக்கு பயணம் மேற்கொண்ட போப் பிரான்சிஸ் வரலாற்று சிறப்புமிக்க பயணத்தின் முடிவில் ஊடகவியலாளர்களை சந்தித்து கருத்து தெரிவிக்கையில், இவ்வாறு தெரிவித்தார்.
இதன்போது அவர் மேலும் கூறுகையில், ‘இந்த கனடா பயணம் தீவிரமாகவும் ஆழமாகவும் இருந்தது. இன்று வரை ஓய்வுக் கதவை நான் தட்டவில்லை. என்னால் பதவி விலக முடியும். ஆனால், ஓய்வுக்கான அவசியம் தற்போது எனக்கு ஏற்படவில்லை.
உடல் நிலையை கருத்தில் கொண்டால் பதவி விலகுவது குறித்து பரிசீலிக்க வேண்டிய நேரம் விரைவில் வரக்கூடும். ஆனால், இப்போது இல்லை. இந்த வயதில் எனது முழுங்கால் வலியுடன் என்னால் தொடர்ந்து பயணிக்க முடியும் என்று நான் நினைக்கவில்லை.
தேவாலயத்திற்கு தொடர்ந்து சேவை செய்ய நினைக்கிறேன். அதற்கு என்னை நான் ஆரோக்கியமாக வைத்து கொள்ள வேண்டும்’ என கூறினார்.